Dabley Hubeeysan ayaa Xalay Degaanka Janaale oo hoostaga Degmada Marka ee Gobolka Shabellaha Hoose ku dilay Guddoomiyihii Degaanka Janaale Garaad Ibraahim Sayid Cali.
Guddoomiyaha ayaa la sheegay in dabley Hubeysan ay kala baxeen Gurigiisa islamarkaana kadibna ay dileen, markii ay rasaas is daba joog ah ku fureen oo ay goobta ka baxsadeen.
Guddoomiye Kuxigeenka Gobolka Shabeellaha C/fitaax Xaaji Cabdlle ayaa sheegay in dilka Guddoomiyihii Janaale xalay lagala baxay hoygiisa iyagoo dadkii dilay ay baxsadeen. Kooxda dilka geysatay ayaa la sheegay inay ka tirsan yihiin Alshbaab, wuxuuna intaas ku daray in magacaabiddiisa aanay ka war heynin maamulka gobolka.
Garaad Ibraahim Sayid Cali ayaa ahaa mas’uul dhowaan uun uu soo magacaabay Madaxweynaha maamulka Koofur Galbeed Soomaaliya Shariif Xasan Sheikh Aadan.
Goobjooge.com
