War naxdin leh ayaa laga soo sheegay magaalada Baladweyne ee gobalka Hiiraan, kadib markii haweeney xaas ahayd ay ninkeeda ku dishay halkaasi. Dilka ayaa ka dhacay Laanta Buulo xabley oo ka tirsan xaafadda Xaawo Taako ee magaalada Beledweyne, waxaana falka dilka ah ay ku geysatay Mindi dhinaca wadnaha iyo caloosha ka gelisay.
Ninka ay xaaskiisa dishay ayaa lagu magacaabi jiray Cabdi Aadan, waana 27-sano jir ah, iyadoo la soo weriyay in ninkan iyo xaaskiisa uu muran dhinaca qoyska ah u dhaxeeyay kaasoo fara baxay markii danbe. Haweeneyda dilka geysatay ayaa baxsatay iyadoo aan la ogeyn meel ay qabatay, waxaana daba jooga ciidamada ammaanka.
Dadweyne fara badan oo dilka naxsan ayaa saaka isugu soo baxay magaalada Beledweyne, iyadoo halkaasi lagu aasay waxaana si weyn falkani looga hadal hayaa magaalada.
Goobjooge.com
[ad name=”HTML-1″]
