Wakiilada ka socday Beesha Caalamka iyo dalalka IGAD ee ka qeybgalaya shirka Hiigsiga cusub ee magaalada Copenhagen ayaa siyaabo kala gaara ugu sheegay madaxweynaha in la heshiiyo Ra’iisal wasaarihiisa isla markaana soo gabagabeeyo khilaafka hareeyay xukuumadda, Baarlamaanka iyo dowladda Soomaaliya.
Wasiirada arrimaha dibadda IGAD ee ku sugnaa shirka ayaa kulan ay la qaateen madaxweyne Xasan Sheekh ugu sheegay inay kula talinayaan in la soo afjaro is mariwaaga ka taagan Muqdisho, isla markaana dib loo soo celiyo wada shaqeyntii xukuumadda iyo madaxtooyada, waxayna si cad ugu sheegeen in mowqifka IGAD uu yahay kan beesha caalamka ee ah inaan xilligan loo baahneyn ridista xukuumada.
Wasiirka arrimaha dibadda Denkmark iyo wakiilada kale ee Beesha caalamka ka socday ayaa sidoo kale gaarsiyay madaxweynaha inuu keeno xal aan ahayn in la rido xukuumada C/weli waxayna si cad ugu sheegeen inaysan raali ka ahayn waqti kale oo lagu lumiyo dhisme xukuumada cusub iyo ra’iisal wasaare kale.
Madaxweynaha ayaa labadii shirka ku adkeystay in Hay’adaha sharciga dowladda Soomaaliya ay khilaafka jira xalin doonaan, isla markaana aanay ka suuragal ahayn dhinaciisa inuu la shaqeeyo Ra’iisal wasaaraha hadda xilka haya.
Goobjooge.com
Muqdisho
[ad name=”HTML”]
