Ururka Al-shabaab ee Guddoomiye cusub (Waali) u magacaabay Gobolada Jubbooyinka, waxaana xilkaasi loo magacaabay Sheekh Maxamad Abu Cabdalla oo hore u ahaa Waaliga Alshabaab ee Wilaayada Shabellaha Hoose oo dhowaan xilkaasi laga qaaday.
Kooxda Alshabaab waxay xilkii ka qaaday Guddoomiyihii Xarakada ee Gobolada Jubbooyinka Xudeyfa C/raxmaan, waxaana tani u muuqataa inay tahay xil kala bedel lagu sameeyay gudoomiyeyaasha gobollada.
Guddoomiyihii ugu horeyaye ee Alshabaab ugu qaabilsanaa Jubooyinka C/casiis Yacquub ayaa hadda ah Guddoomiyaha Gobolka Galgaduud ee kooxda.
Arirntan ayaa soo shaac baxeysa xilli dowladd Soomaaliya ay ku dhawaaqday in howlgal lagu sifeynayo Alshabaab laga bilaabo doono Jubbooyinka.
Goobjooge.com
