War ay faafisay wakaalada wararka Sacuudiga ayaa lagu sheegay in boqorka dalkaasi uu hambalyo ku aadan 21-ka Oktoobar u soo diray Madaxweynaha & Shacabka Soomaaliyeed.
Madaxda Boqortooyada Sacuudiga ee Hamblayada u soo diray madaxweynaha Soomaaliya waxaa ugu horeeya Boqor Salmaan Bin C/casiis, Dhaxal-sugaha dalkaasi Amiir Maxamed Bin Salmaan , Amiir Maxamed Bin Naa’if, iyagoo ugu hambalyeeyay maalinta Qaranimada Soomaaliya.
Arrintan ayaa u muuqata in madaxda Sacuudiga siiba kuwa ka shaqeeya xafiisyada warfaafinta iyo Diiwaanka ay ku khaldameen maalinta xoriyadda Soomaaliya ee 1-da July oo ay u qaateen 21-ka Oktoobar oo dowladii Kacaanka ay ka dhigtay maalin ka weyn 1-da Luulyo.
Khaladka farsamo ee ka dhacay Boqortooyada Sacuudiga ayaa noqday maanta hadal-heynta Soomaalida ku dhex nool baraha Bulshada.
Caadiyan hambalyada maalinta xoriyadda iyo maalmaha kale waa kuwo diyaarsan oo hadba la baahiyo markii la gaaro waqtigooda.
Goobjooge.com
