Wararka ka imaanaya Magaalada Baledweyne ee Gobolka Hiiraan ayaa sheegaya in Ciidamada Maamulka Gobolka Hiiraan ee jooga Kontoroolka laga soo galo Magaalada dhinaca Matabaan ay u diideen Danjire Maxamed Cali Nuur (Ameeriko) Safiirkii hore ee Soomaaliya u fadhiyay Kenya in uu galo Magaalada Beledweyne.
Safiirka America ayaa ka yimid degmada Matabaan waxaana ciidamada Hiiraan raacsan la sheegay inay u diideen inay fasaxaan si uu gudaha ugu galo Magaalada Baledweyne. Amarka lagu hos istaagay Maxamed Cali America ayaa la sheegay inuu bixiyay Guddoomiyaha Gobolka Hiiraan C/fitaax Xasan Afrax oo hada ku sugan Magaalada Muqdisho.
Danjire Maxamed Cali Nuur Ameeriko ayaa dib ugu laabtay degmada Matabaan oo ay gacanta ku hayaan Ururka Ahlusunna ee gobolada Dhexe markii uu ku guul darreystay inuu ka gudbo isbaarada maamulka Hiiraan.
Safiirkii hore ee Soomaaliya u fadhiyay Kenya muddooyinkan socdaal ku marayay goboladda Dalka Soomaaliya iyo maamulada dalka ka jira. Lamana oga sababta maamulka Hiiraan u hor istaagay Danjire nabadeed oo dalka soo maray.
Goobjooge.com
[ad name=”HTML-1″]
