Madaxtooyada Soomaaliya ayaa shaacisay war-saxaafadeedkii labaad ee ku saabsan shir madaxeedkii 36-aad IGAD oo madaxweyne Farmaajo uga qeyb galay Khadka Internet-ka.
Qoraal kasoo baxay Madaxtooyada ayaa lagu sheegay in War-murtiyeedka Shir Madaxeedka IGAD lagu bogaadiyey doorasho qof iyo cod ah oo Soomaaliya ka qabsoonta, wuxuuna ugu baaqay dhammaan Saamileyda Soomaaliya inay muhiimadda saaraan danaha dadka Soomaaliyeed, iyagoo u maraya wadar-ogol ku saabsan doorashooyinka soo socda.
Waxaa kaloo War-murtiyeedka shir Madaxeedka IGAD lagu soo dhoweeyay wadahadallada dhex maraya Dowladda Federaalka iyo Maamul Goboleedyada sidii loo gaari lahaa Doorasho la isku waafaqsan yahay.
