Madaxweynaha dowladda Federaalka SoomaaliyaXasan Sheekh Maxamuud ayaa maanta hortiisa lagu dhaariyey taliyeyaasha cusub ee dhowaan ay magacaabeen Golaha Wasiirada xukuumadda Soomaaliya oo kala ah: Taliyaha ciidammada Asluubta iyo Booliska Gen. Bashiir Maxamed Jaamac iyo Gen. Maxamed Sheekh Xasan Xaamud.
Waxaa taliyeyaasha dhaariyay Guddoomiyaha Maxkamadda Sare ee Caydiid Cabdullaahi Ilka-xanaf. Madaxweyne Xasan Sheekh ayaa u hambalyeeyay taliyeyaasha cusub, wuxuuna kula kula dardaarmay inay sii xoojiyaan howshii ay qabteen taliyeyaashii ka horeeyay. Munaasabadda dhaarinta waxaa goobjoog ka ahaa Wasiirka Cadaaladda Cabdullaahi Axmed Jaamac (Ilkajiir) ,Wasiirka Amniga Cabdirisaaq Cumar Maxamed, saraakiil kale.
Dhaarintan ayaa imaaneysa iyadoo aan la shaacin wax magacaabid ah oo madaxweynaha Soomaaliya ku magacaabayo taliyeyaashan, iyadoo Golaha wasiirada ay leeyihiin soo jeedin, madaxweynahana looga fadhiyay inuu wareegto ku magacaabo taliyeyaasha. Tani waxay muujineysaa sida sharci darrada ah ee madaxda sare ee dalku ku socdaan. Halkii laga sugayay wareegto madaxweynuhu soo saaro si ay arrintan sharci u noqoto ayuu xafladii dhaarinta ka sheegay inuu ku raacay golaha wasiirada.
Hoos ka akhri qormo ay Goobjooge.com ka diyaarisay magacaabidii golaha wasiirada ee taliyeyaasha ciidamada dalka qaarkood.
Goobjooge.com
[ad name=”HTML”]
[ad name=”HTML-6″]
