Madaxweyne Siilaanyo: "Haddii ay is casileen ha iska tageen, booskoodii dad baa gelaya.." Jawaab kulul - Goobjooge.net: Somali News, Somalia news Analysis.

Madaxweyne Siilaanyo: “Haddii ay is casileen ha iska tageen, booskoodii dad baa gelaya..” Jawaab kulul

Less than 1 min read

October 26, 2015

SIILAANYO.

Madaxweynaha Somaliland Axmed Maxamed Maxamuud (Siilaanyo) ayaa ka hadlay is casilaadda koox ka mida golaha wasiiradiisa ay iska casileen xilka iyagoo ku eedeeyay inuu dhinac la saftay loolanka ka dhaxeeya musharaxiinta Xisbiga Kulmiye.

Wuxuu sheegay madaxweyne Siilaanyo in in wasiirada iscasilay ay xaq u leeyihiin inays is casilaan haddii ay la socon waayeen xukuumadda, halkoodiina ay cid kale soo geli doonto. Wuxuuna si kulul ugu sheegay in booskooda lagu bedelayo dad kale haddii ay shaqeyn waayeen.

Hadalka madaxweyne Siilaamyo ayaa ka danbeeyay shan wasiir iyo saddex wasiir xigeen oo iska casilay maanta xukuumadiisa, kuwaas oo ay ka mid yihiin wasiiradii ugu dhowaa sida wasiirka madaxtooyada, arimaha dibadda, shaqada iyo arimaha bulshada, cadaaladda iyo hawlaha guud. Wasiir ku xigeenaduna waa, wasiir xigeenadii hawlaha guud, dib u dejinta, iyo shaqada iyo Arimaha bulshada.

DHAGEYSO WAREYSI KOOBAN OO SIILAANYO SIIYAY WERIYAHA BBC-DA HARGEYSA