Dadaalo ay wadeen siyaasiyiin, Odayaal iyo waxgarad kala duwan oo ku saabsanaa sidii loo sii deyn lahaa Weriye Cawil Daahir Salaad iyo Agaasime waaxeedka C/llaahi Kulmiye oo ka tirsan Telefishanka Universal ayaan lagu guuleysan kadib markii Madaxweyne Xasan Sheekh Maxamuud uu ku gacan seyray inuu cafis u fidiyo labadaas howlwadeen.
Madaxweynaha ayaa la sheegay inuu ku adkeystay in sharciga la marin doono Weriye Cawil iyo mas’uulka xafiiska Universal ee Muqdisho, isla markaana uu socdo qaabkii sharciga loo horgeyn lahaa iyo baaritaankooda.
Kadib markii xabsiga loo taxaabay howlwadeenada Universal TV habeenkii Jimcaha ee 2-da Bishan October ayaa dowladda Federaalka ay bilowday dacwad lagu soo oogay iyadoo xeer ilaalinta ay muddo 21 maalmood ah ka heysato maxkamada gobolka si ay u sii wado baaritaanka kiiskooda, xiligaasina xabsiga ku jiri doonaan.
Waxaa weli socda dadaalka lagu doonayo in lagu sii daayo weriyeyaasha, waxaana rajo laga muujinayaa in maalmd kadib arrintooda xal loo heli doono inkastoo madaxweynaha la sheegay inuu doonayo in kiiskooda ku dhamaado maxkamadda.
Goobjooge.com
[ad name=”HTML”]
