Madaxweyne Xasan Sheekh Maxamuud ayaa diiday inuu kulan la yeesho wafdi ka socday dowladda Mareykanka oo doonayay inay kala hadlaan khilaafka ka dhaxeeya madaxda dowladda Soomaaliya. Wafdigan oo garoonka diyaaradaha magaalada Muqdisho soo gaaray aya kulamo kala duwan la yeeshay dhinacyada khilaafku ka dhaxeeyo.
Madaxweynaha ayaa la sheegay inuu diiday inuu tago garoonka Diyaaradaha oo caadiyan ay ka dhici jireen kulamada wufuudda caalamiga ah oo intooda badan aan gudaha u soo gelin Muqdisho, wuxuuna ku adkeystay inay xafiiska yimaadaan, balse isagu aanu markaa diyaar u ahayn inuu garoonka kulanku ka dhaco.
Waa markii ugu horeyay ee madaxweyne Xasan Sheekh diido inuu garoonka Muqdisho kula kulmo wafdi culus, iyadoo wafdigan uu hogaaminayay wakiilka dowladda Mareykanka ugu qaabilsan Soomaaliya. Dhinaca kale waxay wafdigaasi la kulmeen guddoonka Baarlamaanka, Ra’iisal wasaaraha, labada qeybood ee xildhibaannada kala taageersan madaxweynaha iyo Ra’iisal wasaaraha.
Goobjooge.com
[ad name=”HTML”]
