Degmada Doolow waxaa weli ka socda shir lagu heshiisiinayo hogaamiyaha Maamulka Jubba Axmed Maxamed Islaan (Axmed Madoobe) iyo siyaaisyiinta gobolka Gedo. Shirkan oo Itoobiya ay soo qabanqaabisay ayaa socda in ka badan 48 saacadood iyadoo aanay weli ka soo bixin natiijo.
Siyaasiyiinta gobolka Gedo ka soo jeeda ee shirkan ka qeyb galaya waxa ka mida:
Guddoomiyaha Ahlusunna Maxamed Yuusuf Aw-libaax
Guddoomiyaha Gedo Maxamed Cabdi Kaliil
Maxamuud Sayid Aadan
C/raxmaan Maxamed Amiin
Cabdi Barre Shire
Waxaa dhinaca maamulka Jubba ka socda
Axmed Maxamed Islaam
C/llaahi Fartaag
Maxamed Faarax Warsame (Darwiish)
Cabdirashiid Xasan Janan
Xasan Daahir Yarow
C/rashiid Jire Qalinle
Hogaamiyaha Maamulka Jubba Axmed Madoobe waxaa isna wehliya Jen. Darwiish iyo xubno kale oo wafdigiisa ka mid ahaa.
Arrimaha laga soo doodayo waxaa ka mida sida reer Gedo ay u taageeri lahaayeen maamulka Axmed Madoobe, laakiin waxaa shirka dhibaato weyn ku noqotay doorashada toddobaad gudihiis dhaceysa ee Axmed Madoobe lagu wado inuu ku soo baxo, iyadoo ay tahay markii ugu horeysay ee muddo laba sano ah oo uu Gedo yimaado intii uu xilka hayay.
Dowladda Itoobiya ayaa cadaadis ku saareysa labada dhinac inay heshiis gaaraan, laakiin wararka laga helayo Doolow ayaa sheegaya in wadahadalku aad u adag yahay oo caqabado badan ay hor taagan yihiin. Waxa kaliya oo shirka laga baahiyayna ay yihiin sawiro laga soo qaaday oo kaliya.
HOOS KA DAAWO SAWIRADA SHIRKA
[ad name=”HTML”]
Goobjooge.com
[ad name=”HTML-1″]
