Maxamed Abshir Waldo oo ku geeriyooday Magaalada Nairobi

Less than 1 min read

March 5, 2016

Maxamed Abshir Walde oo ahaa ganacsade, siyaasi iyo weriye si weyn looga yaqaan Soomaalida dhexdeeda ayaa caawa lasoo weriyay inuu ku geeriyooday magaalada Nairobi ee dalka Kenya.

Marxuumka ayaa la sheegay inuu sanadihii ugu dambeeyay xanuun kasoo wajahay Beerka, xanuunkaas oo la sheegay inuu u dhintay caawa isagoo isbitaal ku jira magaalada Nairobi.

maxamed Abshir Walde ayaa ka mid ahaa weriyeyaashii kasoo shaqeeyay Laanta afka Soomaaliga ee BBC-da. Wuxuu horraantii lixdameeyadii ahaa Agaasimaha Waaaxda Idaacadaha Soomaaliyeed oo isugu jirtay Radio Muqdisho iyo Radio Hargeysa.

Wuxuu sidoo kale ka mid siyaasiyiin ka qeyb qaatay dhismihii maamulka Soomaaliyeed ee Puntland, waxaana geeridiisa tacsi u diray madxda Puntland, saaxiibo iyo Soomaali fara badan oo ugu duceeyay inuu Eebe ugu deeqo janadiisa.

Goobjooge.com