Wafdi ay ka mid yihin Maxamuud Sayid Aadan iyo Maxamed Cusmaan Aw-Libaax ayaa maanta si lama filaan ah u tegay magaalada Kismaayo, Socdaalkan lama filaanka ah ayaa ka danbeeyay waanwaan muddo dheer u socotay maamulka Jubba ee Axmed Madoobe iyo siyaasiyiinta ku kacsan ee Gedo ka soo jeeda oo uu hormuud ka ahaayeen xildhibaano iyo wasiiro ka tirsan dowladda federaalka.
Xubnahan waxaa Garoonka diyaaradaha magaalada Kismaayo ku soo dhoweeyay Madaxweyne ku xigeenka xilka sii haya Jubba Gen. C/laahi Sheekh Ismaaciil (Fartaag) iyo xubno kale oo ka tirsanaa maamulka Puntland ee ka soo jeeda gobolka Gedo.
Maxamuud Sayid Aadan oo saxaafadda la hadlay ayaa sheegay inay Kismaayo u imaadeen inay garab istaagaan dowladda Jubbaland, wuxuuna si cad u sheegay inay taageersan yihiin madaxweynaha Jubbalanad Axmed Madoobe iyo xil ka qaadistii uu ku sameeyay gobbolka Gedo.
Lma oga waxa sidan oo dhan u bedelay siyaasiga Maxamuud Sayid Aadan oo kamid ahaa xubnihii sida weyn u diidanaa Maamulka Jubbaland ee Axmed Madoobe, waxayse wararku sheeyaan in loo sameeyay balanqaad jago muhiim ah.
Goobjooge.com
[ad name=”HTML-1″]
