Olole lagu diyaarinayo mooshin xil ka qaadista madaxweynaha Koonfur Galbeed Shariif Xasan Sheekh Aadan ayaa xowli uga socda magaalada Muqdisho, waxaana tirada xildhibaanada wada mooshina ay gaareen 80.
Mooshinkan oo gadaal ka riixayaan siyaasiyiin si weyn uga soo horjeeda Shariif Xasan ayaa lagu wadaa in maalmaha soo socda loo wareejiyo magaalada Baydhaba, halkaasoo kulamo uga bilaabanayaan xildhibaanada Koofur Galbeed.
Xildhibaan Cusmaan Maxamed Caato oo ka mida xildhibaan Koofur Galbeed ayaa sheegay in Mooshinka ay la sugayaan in tirada xildhibaanada ay gaarto 100 markaasoo xilka looga qaadi karo madaxweyne Shariif Xasan.
SIyaasiyiinta ka dambeeya mooshinkan ayaa ah kuwo ay isku kacsan yihiin Shariifka oo xildhibaanimo kasoo waayay doorashadii Baydhaba ka dhacday iyo qaar gacan saar la leh guddoomiyaha Maxamed Sheekh Cisman (Jawaari).
Goobjooge.com
