Wararka ka imanaya magaalada Hargeysa ee xarunta Somaliland ayaa sheegaya in nin la sheegay inuu ka mid yahay qaxootiga Yeman uu isku gubay meel u dhow xarunta Hay’adda Qaramada Midoobay u qaabilsan Qaxootiga ee UNHCR.
Ninkan ayaa la sheegay inuu u dhashay dalka Yemen, kana mid ahaa dad qaxooti ah oo ka soo cararay dagaallada dalka Yemen ka socda. Illaa hadda ma jirto cid si rasmi ah arrintan uga hadashay oo tirsan UNHCR iyo xukuumadda Somaliland, laakiin waxa la sheegay inuu ka cabanayo xaalada uu ku nool yahay.
Dhacdadan ayaa ah mid naxdin leh oo indhaha ku soo jiideysa hay;adaha samafalka oo ka gaabiyay inay taageero fiican siiyaan qaxootiga Yeman ee ku sugan Hargeysa.
Goobjooge.com
