Koox dabley ah ayaa caawa dil toogasho ay ka fulisay magaalada Muqdisho, iyadoo dilay oday Nabadoon ahaa.

Falkan ayaa ka dhacay degmada Wadajir ee magaalada Muqdisho, gaar ahaan xaafadda Siligga, waxaana dilku dhacay xilli uu salaad Maqrib ka soo baxay Masjid ku yaala xaafadda. Odayga ayaa lagu magacaabi jiray Isloow Geedi.

Kooxdii dilka geystay ayaa goobta ka baxsaday, lama oga sababta loo dilay nabadoonka iyo cidda ka danbeysay.

Dhinaca kale is rasaaseyn ka dhacday degmada Waaberi, Buundo labaad, ayaa isla caawa lagu lagu dilay sarkaal ka tirsanaa ciidamada Nabadsugidda.

Lama oga is rasaaseynta cidda ay dhex maray, waxaana dadka xaafadda ay sheegeen in lagu kala cararay goobta kadib markii rasaas ay is weydaarsadeen kooxo hubeysan kadibna la arkay ninkan la dilay.

Goobooge.com