Guddiga Doorashada Madaxweynaha Jubba kulan ay magaalada Kismaayo ku yeesheen maanta waxay soo saareen qaabka doorashada iyo waqtiga ay bilaabayaan qabashada araajida musharixiinta doonaya inay xilka madaxweynaha isu sharxaan.
Guddiga oo weli ku adkeysanaya in Doorashada Madaxweynaha Jubba ay dhici doonto 15-bishaan ayuaa shaaciyay in maalinta beri ah ee Jimcaha kuna beegan 7 Ogost ay bilaabayaan qabashada araajida musharixiinta xilka Madaxweynaha Dowladda Jubba.
Xoghayaha Guddiga Doorashada Xuseen Xirsi Axmed ayaa saxaafadda u sheegay in musharax kasta oo doonaya inuu arji u soo qorto guddiga doorashada uu imaanayo xafiiskooda magaalada Kismaayo. Wuxuu kaloo sheegay in musharaxiinta aan joogin magaalada Kismaayo ay Guddiga kula xiriiri karaan qaab email ah.
Goobjooge.com
[ad name=”HTML-1″]
