Ra’iisal wasaaraha xukuumadda Soomaaliya C/weli Sheekh Axmed oo mooshin ka yaallo Baarlamaanka lana filayo in dooda mooshinka ay berito bilaabato isla markaana codka kalsoonida loo qaado Sabtida ayaa ka tanaasulay qorshe ahaa inuu hortago Baarlamaanka oo iska difaaco eedaha loo soo jeediyay xukuumadiisa.
Guddoomiyaha Baarlamaanka Maxamed Sheekh Cusmaan (Jawari) ayaa kulankii Talaaladii ee Baarlamaanka ka sheegay inuu si rasmi ah u ogeysiisay ra’iisal wasaaraha mooshinka ka yaala Baarlamaanka, isla markaana ugu yeeray inu yimaado kulanka Baarlamaanka iskana difaaco waxqabad la’aanta lagu soo eedeeyay. Arrintaas waxaa si weyn uga qeyliyay xildhibaannada mooshinka keenay oo diidanaa in Ra’iisal wasaaraha hor yimaado Baarlamaanka.
Warar ku dhowdhow ra’iisal wasaaraha ayaa sheegaya inuu ka tanaasulay xaqii uu lahaa inuu hortago Baarlmaanka, isla markaana u hogaasamayo wixii ka soo baxa codeynta xildhibaanada. Lama oga sababta ra’iisal wasaaruhu isaga dhaafay tegista Baarlamaanka, waxaase la filayay in xildhibaanada mooshinka keenay ee taageersan madaxweynaha ay qorsheynayeen inay carqaladeeyaan ra’iisal wasaaraha.
Goobjooge.com
Muqdisho
[ad name=”HTML”]
