Hay’adaha socdaalka iyo Jinsiyadaha Soomaaliya ayaa tababar dibadeed u qaaday saraakiil ka tirsan Hay’addaasi oo gaaray lix sarkaal, kuwaasoo maanta u duulay magaalada Moshi ee dalka Tanzania.

Tababarkan oo socon doona 26 February ilaa 2 March 2018 ayaa lagu baran doona hubinta dukumintiyada been abuurka ah iyo kala saarida dadka wata basaboorada isku ekaanshaha ah (Imposter).

Ku xigeenka Agaasimaha Guud ee Hay’adda Sodalka  Ibrahim Xuseen oo sii sagootiyay saraakiishan ayaa waxa uu kula dardaarmay in ay si wanagsan u soo bartaan tababarka loo diray oo ah mid muhiim ah oo looga hortagaayo in dad wata dukumintiyo sharci daro ah ay ka dhoofaan dalkeena.