Guddoomiyaha cusub ee Maxkamadda sare ee dalka Soomaaliya Dr. Ibraahim Iidle Suleymaan ayaa maanta si rasmi ah xilka ugala wareegay guddoomiyihii hore Ceydiid C/llaahi Ilkaxanaf, wuxuuna balan qaaday inuu xoogga saari doono dhisidda kalsoonida bulshada Soomaaliyeed ay ku qabto Garsoorka iyo kor u qaadayaan tayada howlwadeenada Garsoorka Dalka.
Munaasabadda xilka wareejinta waxaa ka qeybgalay Ra’iisul Wasaare ku-xigeenka Soomaaliya Mudane Maxamed Cumar Carte, guddoomiyihi hore ee maxkamadda sare, wasiiro, xildhibaanno, xeer ilaaliyaha guud ee qaranka, saraakiil ciidan iyo marti sharaf kale.
Wasiirka Cadaaladda ee Xukuumadda Soomaaliya Mudane Cabdulaahi Axmed Jaamac (Ilka-jiir) oo xaflada ka hadlayay ayaa sheegay intahay wax lagu farxo munaasabadda xil wareejinta ah. Guddoomiyihii hore ee Maxkamadda Abuukaate Ceydiid Cabdulaahi (Ilka-Xanaf) ayaa isna sheegay in garsoorka dalka uu u baahanyahay madax banaani, isla markaana xilka uu yahay mid meerto ah.
Ra’iisul Wasaare ku-xigeenka xukuumadda Soomaaliya Maxamed Cumar Carte ayaa isna soo dhoweeyay guddoomiyaha cusub ee Maxkamadda, wuxuuna sheegay in dhibaatada dalka ka dhacday ay sabab u tahay cadaalad darro.
DAAWO SAWIRRO
GOOBJOOGE.COM
