Guddoomiyah xilka sii haya ee Gobolka Banaadir Xasan Maxamed Xuseen (Muungaab) ayaa maanta xafiisyada dowladda hoose ee Muqdisho ku wehliyay socdaal wareeg ah oo Guddoomiyaha cusub u magacaaban maamulka Gobolka Banaadir Yuusuf Xuseen Jimcaale (Madaale).
Guddoomihaha hore iyo midka Guddoomiyaha cusub oo wada socda ayaa ku wareegay xafiisyada xarunta dhexe ee dowladda hoose waxaana asi diiran u soo dhoweeyay shaqaalaha iyo maamulka gobolka Banaadir.
Guddoomiyaha cusub oo lagu wado in Isniinta xilka uu la wareego ayaa sidoo kale la geeyay xarunta Dab-damiska dowladda Hoose isagoo kormeeyay gaadiidka xaruntaasi ku howl gasho, iyo xarunta Maamulka Gobolka Banaadir ku lahaa degmada Huriwaa, oo fadhi u ahayd guddoomiyihii hore.
Guddoomiyihii hore Muungaab ayaa uga warbixiyay Guddoomiyaha cusub, sida ay u socdaan howl maalmeedka dowladda Hoose, waxaana uu u cadeeyay inuu la shaqeyn doono inta karaan-kiisa, isla markaana uu garab joogo. Guddoomiyaha cusub ee Gobolka Banaadir wuxuu isna amaanay sida ay u socdaan howlaha xafiisyada dowladda Hoose, isagoo uga mahad celiyay Guddoomiyihii hore ee Muungaab waxqabadkiisii.
DAAWO SAWIRRO
Goobjooge.com
