Shir magaalada Muqdisho uga socday wasiirka dastuurka dowladda Federaalka Soomaaliya iyo wasiirada maamulada dalka ka jira oo looga doodayay qodobada dib loo eegayo ee Dastuurka KMG ah ayaa lagu soo gabagabeeyay magaalada Muqdisho iyadoo Ra’iisal wasaare Cumar C/rashiid uu ka qeybgalay xeritaankii shirkaasi.
Shirka oo ay soo qabanqaabisay wasaradda Dastuurka ee xukumaddda Soomaaliya ayaa looga hadlay dardar gelinta geedi socodka dib u eegista dastuurka KMG ah ee dalkeena iyo sidii maamul gobolyeedyadu ay kaalin ugu yeelan lahaayeen howlaha dib u habaynta dastuurka,
Wasiirka Arrimaha Dastuurka ee xukuumadda Soomaaliya Xuseen Maxamuud Sheekh Xuseen ayaa sheegay in 10 qodad oo aan la soo bandhigin ay isku afgarteen dhinacyadii shiray in dib u eegis looga sameeyo Dastuurka dalka.
Ra’iisal wasaaraha oo shirka soo gabagabeeyay ayaa tilmaamay in dastuurka dib u egistiisa lagu saleeyo in uu noqdo mid ka shaqeeya horumarka iyo midnimadda ummadda Soomaaliyeed. Wuxuuna intaas ku daray in sameynta dastuur ay qaado tobanaan sano.
Goobjooge.com
