Taageerayaasha Madaxweynaha ayaa bilaabay olole ay ku doonayaan inay uga hortagaan Mooshinka xil ka qaadista ee laga keenay madaxweyne Xasan Sheekh Maxamuud iyagoo abaabulaya qeybaha kala duwan ee bulshada magaalada Muqdisho.
Ololaha waxaa ku lug leh maamulka gobolka Banaadir iyo degmooyinkiisa. Waxaa qabsoomay shirar dhowr ah oo ay ka qeyb galeen dhalinyaro, culimo iyo waxgarada kale, waxayna wararku sheegayaan in maalmaha soo socda la xoojin doono ololahaasi oo bannaanbaxyo lagu soo biirin doono.
Kulankii ugu danbeeyay wuxuu shalay dhacay ayaa waxaa soo qabanqaabiyay ururka dhalinyarada qaranka, iyadoo ay ka dhex muuqatay guddoomiyaha degmada Waaberi Xaawo Maxamud Cali.
Marka uu sii kordho cadaadiska mooshinka madaxweynaha ayaa la filayaa inay taageerayaashiisa sii kordhiyaan abaabulkooda, waxayna Muqdisho marti gelin doontaa mid ka mida xiisadihii siyaasadeed ee ugu weynaa tan iyo intii lagu qasbay inuu xilka iska casilo ra’iisal wasaarihii hore Maxamed C/llaahi Farmaajo
Goobjooge.com
[ad name=”HTML-1″]
