Musharaxa xilka madaxweynaha Maxamuud Axmed Nuur (Tarsan) ayaa jawaab la yaab leh ka bixiyay xil ka qaadista qaar ka mida xildhibaanada Galmudug ku sameeyeen madaxweynaha Galmudug C/kariin Xuseen Guuleed.
Qoraal uu Tarsan soo dhigay bartiisa ayuu ku sheegay in arrintan ay bilow u tahay kacdoon looga horjeedo fashilka, kooxeysiga iyo kuwa dhacay hantida Qaran.
@BBCSomali this is the beginning of the revolution againest incompetence,clique and kleptocracy
— Mohamud Nur (Tarsan) (@MohamudTarsan) January 10, 2017
Magaalada Cadaado ayaa maanta waxaa ka dhacay codeyn loo qaaday mooshin kalsooni kala noqosho oo qaar ka mida xildhibaanada Galmudug ay u qaadeen madaxweynaha Galmudug, iyadoo sheegay inay xilkii ka qaadeen si KMG ahna u sii heyn doono madaxweyne ku xigeenka Galmudug.
C/kariin Guuleed ayaa ku gacan seyray mooshinka kalsoonida loogala noqday wuxuuna sheegay inay tahay tallaabo sharci darro ah oo ay abaabuleen caddowga Galmudug.
GOOBJOOGE.COM
