Wasaaradda Caafimaadka Soomaaliya ayaa goor dhow shaacisay in 36 qof oo cusub laga helay cudurka Coronavirus, kadib markii la baaray 47 qof oo looga shakisnaa 24-kii saac ee lasoo dhaafay.
Waxaa kaloo la sheegay inuu Covid-19 Muqdisho ugu geeriyooday qof 60 sano jir ahaa, iyadoo hadda tirada dadka cudurka gudaha Soomaaliya aya gaartay 116 qof, dhimashaduna lix qof.
HOO KA AKHRISO WARBIXINTII U DAMBEYSEY EE COVID-19 SOMALIA:
24-kii saac ee u dambaysay waxaa la baaray 47 qof.
Waxaa laga helay curudka COVID-19 dad gaaraya 36 qof.
Bukaanada cudurka laga helay, 27 kamid ah waa LAB, 9 ka kalena waa DHEDDIG.
30 kamid ah waxay da’doodu u dhaxaysaa 20 ilaa 39 sano (83%).
5 kamid ahna waxay da’doodu u dhaxysaa 40 ilaa 59 sano (14%).
1 qofna wuxuu ka weynyahay 60 sano.
Waxaa maanta cudurka COVID-19 u geeriyooday 1 qof oo da’diisu tahay 60 sano kuna geeriyooday Muqdisho.
Tirada guud ee shimashada ayaa ah 6.
Si aad naftaada, midda qoyskaaga iyo tan bulshada-ba u badbaadiso, ku dadaala fara-dhaqasho joogto ah idinkoo isticmaalayo biyo iyo saabuun muddo ugu yaraan 20 il-biriqsi ah.
Aan ku dadaalno kala fogaashaha iskana yarayno isu-socodka aan muhiimka ahayn.
