Waxaa Magaalada Kismaayo ee xarunta KMG ah ee Jubbaland maanta gaaray wafdi uu hoggaaminayo Wakiilka Qaramada Midoobay ee Soomaaliya James Swan.
Safarkan oo ah kii ugu danbeeyay ee wakiilada Beesha caalamka ku tagaan caasimadaha maamul Goboledyada ayaa waxaa garoonka magaalada Kismaayo kusoo dhoweeyay Madaxweyne kuxigeenka koowaad ee Dowlad Goboleedka Jubbaland Maxamuud Sayid Aadan iyo mas’uuliyiin ka tirsan maamulka Jubbaland.
Wafdiga Beesha caalamka ayaa loo galbiyey Aqalka Madaxtooyada magaalada Kismaayo, halkaasoo uu shir uga socdo Madaxweynaha Jubbaland Axmed Maxamed Islaam. Labda dhinac ayaa ka wadahadli donna xaalada dalka, arrimaha doorashada.
