Ismaaciil Maxamuud Hurre (Buubaa) oo hore u soo noqday wasiirkii arrimaha dibadda dowladii KMG ahayd ee Soomaaliya, haddana ka tirsan xisbiga mucaaradka Wadani ee Somaliland ayaa ka hadlay heshiiska saldhigga milateri Berbera lagu siiyay dowladda Imaaraadka.

Isagoo saxaafada kula hadlay magaalada Hargeysa ayuu sheegay in heshiiska ay qasab tahay inay saxiixdo dowladda Soomaaliya, wuxuuna kashifay mas’uulka dowladda Soomaaliya ee heshiiskaasi ku lugta lahaa.

Buubaa ayaa sheegay in Ra’iisal wasaarihii hore ee xukuumadda Soomaaliya Cumar C/rashiid uu ku lug lahaa heshiiskaasi isla markaana uu la waday dowladda Imaaraadka, wuxuuna intaasi raaciyay in heshiiska noocaasi ah aysan Somaliland keligeed geli karin.

Maamulka Somaliland ayuu ku eedeeyay inay marin habaabinayaan dadkooda marka ay sheegayaan inay heshiis la galeen Imaaraadka.

Waa marki ugu horeysay oo si rasmi ah loo shaaciyo mas’uuliyiinta dowladda Federaalka ee ku lugta lahaa heshiiska muranka badan dhaliyay ee Imaaraadka saldhig milateri looga siiyay Magaalo xeebeedka Berbera.

Goobjooge.com