Kooxda Alshabab ayaa caawa madaafiic hoobiyeyaal ah u qeybisay qaar ka mida degmooyinka gobolka Banaadir saacado uun ka dib markii madaxtooyada Villa Somalia looga dhawaaqay in xilka laga qaaday taliyihii ciidamada Nabadsugidda C/raxmaan Maxamed Tuuryare.
Hoobiyeyaasha oo ahaa kuwii ugu tiro badnaa hal weerar lagu tuuro degmooyin dhowr ah ayaa caawa fiidkii ku dhacay degmooyinka kala ah:
- Wardhiigley oo ay ku taallo Madaxtooyada
- Howlwadaag
- Waaberi
- Deyniile
Xaaladda ayaa caawa kacsan iyadoo rasaasna ay ka dhacday degmada Dayniile, gaar ahaan kulliyadii Jaalle Siyaad iyo agagaarkeeda oo uu degan yahay guddoomiyaha degmada Deyniile.
Ilaa hadda lama oga qasaaraha madaafiicdaasi geysatay, waxaana tallaabadan lagu sheegay farriin ay Alshabaab u soo dirtay dowladda federaalka oo xilliyadan kala guurka dhexdeeda isku mashquusha, isla markaana madaxda sare ay magacaabaan xilal cusub
Goobjooge.com
