Wasiirka Warfaafinta Maamulka Somaliland C/raxmaan Guri Barwaaqo ayaa lagu soo eedeeyay Musuq iyo wax is daba marin, iyadoo looga yeeray maxkamadda Gobolka Hargeysa.

Baaritaan ku socday Wasaaradda Warfaafinta ayaa hore u sababay in la xiro agaasimihii guud iyo agaasimihii lacagta Wasaaradda Warfaafinta Somalialnd, waxaana hanti dhowrka guud ee Somaliland uu ku helay mas’uuliyiintan musuq baahsan oo lugaha la galay Wasiir Guri-barwaaqo.

Xilka Wasiirka Warfaafinta Soomaaliland ayaa waxaa hadda si KMG ah loogu dhiibay Kuxigeenkiisa Maxamed Muuse Abees, waxayna wararku sheegayaan in Wasaaradda Warfaafinta lagu lunsaday hanti far badan.