Wasiirka Arrimaha Gudaha ee Dowladda Faederaalla Cabdiraxmaan Xuseen Odowaa ayaa Deeq lacageed Gaarsiiyey Dhibane Cabdinaasir Saciid Ibraahim (Kaneeco) oo Mudooyinkaan ku Xanuusanayey Magaaladda Muqdisho, waxaana Deeqdaan Wasiirka uu u Wakiishey Ururka Suxufiyiinta Gobolka Banadir .
Deeqdaan Lacageed ayaa waxay dhameyd 1000 doolar waxaana Gaarsiiyey Gudomiyaha Kuxigeenka Ururka Suxufiyiinta Gobolka Banaadir Maxamed Axmed Siyaad ( Black) Wuxuuna Deeqdaas Gudoonsiiyey Dhibanaha Aabihiis Saciid Ibraahim
Gudomiyaha Kuxigeenka Ururka Suxufiyiinta Gobolka Banaadir Maxamed Axmed Siyaad ( Black) oo ka Hadley Goobta ayaa sheegey in Deeqdaan Lacageed uu soo dhiibey Wasiirka Arimaha Gudaha waxaa uu intaa raaciyey “Ururka Suxufiyiinta Gobolka Banaadir u bandhigey Wasiirka dhibaatada Haysata Dhibane Cabdinaasir ka dibna uu ka aqbaley”
Gudoomiyaha Kuxigeenka Ururka Suxufiyiinta Gobolka Banaadir Maxamed Axmed Siyaad ( Black) ayaa u Mahadceliyey Dhamaan Intii ka qayb qaadatey ama ka damqatey Cabdinaasir Kaneeco oo ugu horeeyo Wasiirka arrimaha Gudaha iyo Bahda Cayaaraha oo iyaga Fududeeyey Deeqdaas in ay gaarto Dhibana Cabdinaasir Kaneeco
Waxaa iyana Goobta ka Hadley Aabaha dhalay Dhibanaha Saciid Ibraahim oo u Mahaceliyey Wasiirka Arrimaha Gudaha Cabdiraxmaan Oodwaa iyo Ururka Suxufiyiinta Gobolka Banaadir sidoo kale waxaa uu u Mahadceliyey Bahda Saxaafadda wuxuuna Dhamaantood uu Ilaah uga baryey Badel ka Khayr badan Siiyo
Wasiirka Arrimaha Gudaha ee Dowladda Federaalka Cabdiraxmaan Xuseen Oodwaa ayaa ah Wasiir ka damqada Dadka Dhibaateysan ee Soomaaliyeed meel kasta oo ay joogaan dhawaan ayey ahayd Markii Wasiirka uu Deeq Lacgageed uu gaarsiiyey Wiil Dhalinyaro ah oo ku Xanuusanaa Magaaladda Burco, waxayna Deeqdaan Albaabada u furtey in Golaha Wasiirada Dowladda Federaalka u ansaxiyaan Lacag gaareysa Toban Kun oo doolar ka dib Markii uu Wasiirka uu arrintaa hor dhigey Golaha Wasiirada
Cabdinaasir Saciid ibraahim (Kaneeco) waxaa uu ka mid ahaa Orodyahanadi Soomaaliya uga qayb galey Tartankii Ciyaaraha Olombikada Adduunka ee lagu qabtey Dalka Shiinaha 2008 waxaana Cabdinaasir Kaneeco Xiligaas uu ahaa Orodyahanadii Calanka Soomaaliya Sidey waxayna Deeqdaan ku soo beegantey iyadoo Orodyahano Soomaaliyeed ay ka qayb galayaan Tartanka Olombikaga Adduunka oo Haatan ka furmey Dalka Brazil
SAWIRRO
