Wasiirka Gaashaandhigga xukuumadda Soomaaliya C/qaadir Sheekh Cali Diini iyo madaxweynaha Galmudug C/kariin Xuseen Guuleed ayaa gaaray degmada Ceelbuur ee Gobolka Galgaduud iyadoo ay la socdaan saraakiil iyo madax ka tirsan dowladda Federaalka iyo maamulka Galmudug.
Wafdiga labada dhinaca ka kooban ayaa la sheegay inay u kuur galayaan xaaladda degmada Ceelbuur oo maalmihii ugu danbeeyay ay ka socdeen howgallo ay wadaan ciidamada AMISOM iyo kuwa dowlada Federaalka, iyagoo kulamo la yeelanaya maamulka degmada iyo waxgaradka degaankaasi.
Ammaanka Ceelbuur ayaa si weyn loo adkeeyay iyadoo ciidamada AMISOM iyo kuwa dowladda ay xoojiyeen xaalada amaanka degaanadaasi. Waxgaradka Ceelbuur ayaa ku eedeeyay ciidamada Itoobiya inay degaanka Ceel Qooxle ku dileen 4 qof oo rayid ah, isla markaana ay xireen odayaal tiro badan.
Goobjooge.com
[ad name=”HTML-1″]
