Ganacsadaha caanka ah ee Xaaji Abuukar Cumar Caddaan ayaa saxaafadda la hadlay markii ugu horeysay muddo sanado ah isagoo ka hadlay fekerkiisa iyo arrimo laga faafiyay.
Ganacsadaha oo hore uga taageerayaasha kooxaha islaamiga ah iyo Maxkamadihii Islaamka ee 2006 ka kacay Koonfurta Soomaaliya ayaa sheegay in lagu xanto inuu yahay Alqaacida, balse aanu raacsaneyn falalka kooxdaasi.
Xaajiga ayaa xalka Soomaaliya ku jiro ku dhaqanka Shareecada islaamka, laakiin markii xornimada la qaatay 1960 laga jeestay ku dhaqanka shareecada Islaamka.
“Aniga waa ley xantaa waxaa la dhahaa Al-Qaacida waaye, aniga Al-Shabaab kuma taageersani dadka ay dilayaan, kuwa ay qarxinayaan, dadka la dilayo iyagoo masaa’jidada ka soo baxaya”ayuu yiri Xaaji Abuukar Cumar Caddaan oo sheegay inuusan ahayn xukun doon oo kaliya uu doonayo in Alle kitaabkiisa loo noqdo, is qabqabsiga la joojiyo, lana joojiyo ku tiirsanaanta gaalada.
Xaajiga ayaa caddeeyya inuu ka aamusi karin xaaladda hibaatada dalka ka jirta iyo lix madaxweyne maamul goboleed oo mar walba Itoobiya looga yeerayo, oo aan lagu arkin mid ka shaqeynaya Qaranimada Soomaaliya.
Goobjooge.com
