Xaaladda magaalada Garbahaarey ayaa aad u kacsan kadib markii uu halkaasi tegay Gudoomiyaha Gobolka Gedo Maxamed Cabdi Kaliil ee uu xilka ka qaaday Axmed Madoobe. Imaanshaha Kaliil ee magaalada Garbahaarey ayay ka biyo diideen ciidamada Itoobiyaanka ee halkaasi ku sugan iyagoo go’doomiyay guriga uu ku jiray Mudane Kaliil.
Dadka Garbahaarey ayaa isu soo baxay si ay difaacaan Guddoomiy Kaliil waxaana guriga guddoomiyaha uu noqday meel ay buux dhaafiyeen dadka degmada oo ku diidan in ciidamada Itoobiya ay xiraan guddoomiye Kaliil.
“Dadweynihii Garbahaarey oo qofna ka soo harin waxaan ku suganahay guriga Guddoomiye Maxamed Cabdi Kaliil, Amxaaradiina hubkeedii oo dhan halkan ayay la timid, kama yeeleyno inay guddoomiyaheena wataan, xaaladu waa xun tahay waa la is hor taagan yahay, wax kastaa dhici kara” sidaasi waxaa tiri haweeney ku sugan guriga Maxamed Cabdi Kaliil ee Garbahaarey.
Wararkii ugu danbeeyay ayaa sheegaya in xaaladu weli ku sugan tahay is mari waa iyadoo dadweynaha Garbahaarey ay buux dhaafiyen Guriga Kaliil oo ciidamo Itoobiyaan ah oo fara badan ay isku wareejiyeen.
Goobjooge.com
[ad name=”HTML-1″]
