Xildhibaan Xasan Abshir Faarax ayaa goor dhoweyd uga dhawaqay xarunta golaha shacabka ee Magaalada Muqdisho inuu iska casilay xubinnimadii Baarlamaanka Soomaaliya, taasoo uu sabab uga dhigay, arrimo caafimaad darteed oo aan u saamaxeyn inuu xilkaasi guto.
Bedelkiisa ayaa la sheegay in xildhibaanimadii uu ku wareejiyay wiil uu dhalay oo lagu magacaabo Abshir Xasan Abshir, kaas oo isla maanta lagu dhaariyay xarunta golaha shacabka ee magaalada Muqdisho, kana mid noqday xildhibaanada golaha.
Waxaa muddooyinkan danbe caadi noqotay in la iska dhaxlo xilalka Baarlaamaanka iyadoo inta badan wiilasha xildhibaanada geeriyooda ama is casila lagu qoro boosaska aabayaashood banneeyeen.
Mudane Xasan Abshir Faarax wuxuu ka mid ahaa waayo-joogga Soomaalida ee ku jira Baarlamaanka wuxuuna xilal hore soo qabtay dowladihii dalka soo maray oo 70-meeyadii uu laba jeer noqday Duqa magaalada Muqdisho, xiligii dowladii C/qasim-na wuxuu ka noqday Ra’iisul wasaare.
Goobjooge.com
