Wakiilka Q/Midoobay ee Soomaaliya Nicholas Kay maamulka Puntland ugu baaqay inay sii xabsiga ka sii daayaan weriye Jaamac Daparani oo maamulkaasi u xiran muddo ka badan 5 maalmood, wuxuuna codkiisa ku biray baaqa ururka saxafiyiinta Soomaaliyeed.
Nicholas Kay oo ka qeyb galay shir warfaafinta uga furmay Muqdisho ayaa ugu baaqay Maamul Goboleedka Puntland in degdeg loo sii daayo wariye Jaamac Dabaraani.
“Maamulka Puntland waxaan si Xushmad leh uga Codsanayaa in ay siidaayaan Wariyaha u xiran oo ay Ilaaliyaan Xoriyadda hadalka,waxaan mar kale leeyahay Madaxda Puntland Deg deg ha loo siidaayo Wariye Jaamac Dabaraani”ayuu yiri Ergeyga oo dhowaan tegay magaalada Garowe xilkiisuna sii dhammaanayo.
Wasiirka Wasaaradda Warfaafinta Puntland oo weriyahan xirtay ayaa sheegay in Maxkamad la saari doono dhowaan.
Goobjooge.com
