DAAWO SAWIRRO: Wejiga koowaad ee dhismaha Garoonka Caalamiga ah ee Boosaaso oo lasoo gabagabeeyay

Less than 1 min read

December 19, 2015

Wejigii koowaad ee dhismaha garoonka diyaaradaha magaalada Bosaso ayaa lasoo gaba-gabeeyay, iyadoo la filayo in la furo sanadka cusub ee 2016-da.

Maareeyaha garoonka diyaaradaha Boosaaso Bashiir Muuse Cabdiraxmaan ayaa shaaciyay inay hadda diyaarsan tahay 2km dhererka ah iyo 400-mitir balac ah Dhabada ay diyaaraduhu ku ordayaan, goobihii ay istaagi lahaayeen iyo baakinadooda iyo sidoo kale dhisme ku socda guriga loogu addeegayo dadwaynaha raacaya ama kasoo degaya diyaaradaha kusoo xiran doona Airpost-ka.

Shirkadda dhisaysa garoonka ayaa dib ugu laabanaya wadanka Shiinaha halkaasoo mudo bil ah ku maqnaan doonaan madaxda iyo shaqalaheeda, waxaana dib looga tashan doonaa sidii loo bilaabi lahaa dhismaha labaad ee harsan.

Dhaqaalaha lagu dhisay wajiga koowaad garoonka diyaaradaha Bosaso ayaa waxaa ku deeqday dowladda Talyaaniga iyadoo ay fulisay shirkada CCECC ee Shiinaha.

DAAWO SAWIRRADA