Howlgal ay ciidamada Nabadsugidda ka sameeyeen degmada Heliwaa ee Gobolka Banaadir ayaa waxaa lagu soo qabtay nin lagu eedeeyay inuu ka tirsan yahay Ururka Al Shabaab sida la shaaciyay.
Ciidamada NISA ayaa fuliyay howlgalkan, iyadoo ay heleen xog ku saabsan ninkaasi oo ku dhuumanayay guri ku yaala xaafadda suuqa Xoolaha.
Ninkan hubeysan oo ay soo bandhigeen ciidamada NISA ayaa ku hubeysnaa Bistoolad iyo Rasaas, waxaa kaloo uu heystay qalab kale oo qaraxyada laga sameeyo iyo Laptop.
Ninkan lasoo bandhigay ayaan wax faahfaahin dheeraad ah laga bixin. iyadoo warbaahinta dowladda laga baahiyay muuqaalka ninkan.
Goobjooge.com
