Weerarkii Hotelka Dayax ee magaalada Muqdisho oo weerar xoog leh ay kooxda Alshabaab ku qaadeen saaka, waxaa qasaare dhimasho iyo dhaawac leh kasoo gaaray odayaal kasoo jeeda maamulka Koonfur Galbeed.
Ilaa dhan malaaq oo hotelka deganaa ayaa la sheegay inay ku dhinteen ama ku dhaawacmeen qaraxa iyo dagaalkii ka dambeeyay ee lagu weeraray hotelka.
Malaaq Deerow Afhayeenka Gollaha odyaasah Dhaqanka Koofur Galbeed ayaa xaqiijiyay in Waxgarad ay ka mid yihiin Malaaq Malabow Isaaq Keerow iyo Malaaq Cabdirashiid Malaaq Cabdisalaan in ay ku dhinteen weerarka. Malaaq Cabdirashiid Malaaq Cabdisalaan ayaa ka mid ah 135 Oday ee Beelaha Soomaaliyeed.
Malaaqyada dhaawacmay waxa ka mida:
Yusuf Abdi Macalin Malaaq
Malaaq Xasan Buulle
iyo Malaaq Shariif Muxyidiin.
Wararka ayaa sheegaya in Hotelka uu xarun u ahaa odayaasha iyo siyaasiyiinta Koonfur Galbeed ee Soomaaliya, inkastoo qasaaraha gudaha ka dhashay uu ahaa mid yar, waxaana gudaha hotelka ku sugnaa wasiiro ka tirsan maamulka Koonfur Galbeed.
Goobjooge.com
