Qarax miino ayaa maanta ka dhacay degaanka Ceel dheere ee duleedka magaalada Dhuusamareeb caasimadda Galmudug.

Qaraxa ayaa lala beegsaday Gaari uu la socday Talyihii Ciidamada Nabadsugidda iyo Sirdooka NISA ee magaalada Dhuusamareeb C/rashiid Cabdi Nuur Shiiqdoon (Qooje), waxaana qaraxa ku dhintay taliyaha iyo saddex askari oo la socotay, kana mid ahaa ilaalada Taliyaha.

Wararka ayaa sheegaya in Qaraxa Miinada oo ahaa mid xoog leh uu burburiyey Gaarigii uu saarnaa Taliyaha NISA oo ka mid ahaa saraakiisha dhalinyarrada ah ee dagaalka kula jiray Alshabaab.