Ciidamo fara badan oo ka tirsan Puntland ayaa la sheegay in la geeyay degaanka Garcad ee Gobolka Mudug oo ahaa halkii ay ka degaan maleeshiyadii Alshabaab ee dagaalka ku qaaday Puntland, kadib markii laga war helay qorshe cusub oo Alshabab ku dooneyso inay mar kale ku weerarto Puntland.
Ciidamada Puntland ee la geeyay Garacad ayaa isugu jira ciidamada Badda, iyo daraawiishta Puntland kuwaasoo lagu xoojinayo ammaanka degaanada xeebta ee Gobolka Mudug.
Diyaarado dul wareegaya degaanka Garacad ayay soo weriyeen dadka degaanka oo sheegay inay leedahay Puntland.
Dhaqdhaqaaqyo ciidan oo Alshabaab ka wado Degmada Xarardheere ayaa laga dareemay halkaasi, waxaana jira warar sheegaya inay qorsheynayaan weeraro cusub.
Goobjooge.com
