Madaxweynaha Maamulka Jubbaland Axmed Maxamed Islaam (Axmed Madoobe) ayaa galabta maqribnimadiisoo gaaray Magaalada Muqdisho, isagoo ka mida madaxda ka qeyb galaya shirka Madasha Qaran, waxaana Garoonka Diyaaradaha Muqdisho ku soo dhaweeyay Mas’uuliyiin ka tirsan dowladda Federaalka ah ee Soomaaliya.
Axmed Madoobe oo saxaafadda la hadlay ayaa sheegay inuu muqdisho u yimid ka qeyb galka Shirka Madashaa Qaran ee lagu Go’aamin doono nooca doorasho ee Soomaaliya ka dhaceysa sanadkan .
Maanta ayaa sidoo kale waxaa Muqdisho yimid Madaxweynaha Puntland C/wali Maxamed Cali Gaas,iyadoo la filayo in Madaxweyneyaasha C/kariin Guuleed iyo Shariif Xasan Sheekh Aadan ay maalinta beri soo gaaraan Magaalada Muqdisho.
Goobjooge.com
