Qof ayaa ku dhintay rasaas lagu furay dadweyne bannaanbax ka dhigay magaalada Baydbaba, kaasoo looga horjeeday madaxweynaha Soomaaliya Maxamed C/llaahi Farmajo, laguna taageerayey Guddoomiyaha Baarlamaanka Maxamed Mursal Sheekh.

Saddex ruux ayaa dhaawac kasoo gaaray rasaasta ka dhacday xaafadda Isha, iyadoo wararka qaar ay sheegayan inuu qof ku dhintay bannaanbaxa ay rasaasta ku fureen ciidamada Booliska magaalada Baydhaba.

Bannaanbaxa ka dhacay magaalada Baydhaba ayaa waxaa ka hadlay malaaqyo iyo odayasha Baydhaba oo ku dhawaaqayey: “Farmaajo Ha dhaco” waxayna ciidamada ku eedeeyeen inay rasaas ku furaan dadweyne si nabad ah u bannaanbaxaya.