Qaar ka mida Gaadiidleyda magaalada Muqdisho ayaa saaka ku dhaqaaqay Bannaanbax ay uga cabanayaan lacago baad ah oo ay ku soo rogeen ciidamada dowladda.
Bannaanbaxa ayaa waxaa wada gaadiidleyda BL-ka ee ka shaqeeya Isgoyska Jardiinka ilaa Xamarweyne, waxayna darawalada Gaadiidka BL-ka ay sheegeen inay maalin kasta bixiyaan lacag dhan 2 Doolar, iyadoo ay xiran yihiin wadooyin badan, haddana saaka lagu so rogay inay bixiyaan 100-kun Shilin Soomaali (4 Doolar), taasoo keentay inay dhigaan Gaadiidka ayna bannaanbax ku dhaqaaqaan.
Wadooyinka Muqdisho ayaa u kala xiran dhowr qeybbood oo aanay gaadiidka dadweynaha isaga gudbi karin, waxaana Busteejooyinka ka howlgala ciidamo iskood lacago baad ah uga qaatay gaadiidkaasi.
