Beelaha dega Gobolka Bari ayaa qoraal dheer u diray shirkadda DP World ee Imaaraadka Carabta iyagoo ka horjeeda qorshaha dib u dhiska Dekadda Boosaaso.
Qoraalka oo lagu socodsiiyay Sheekh Suldan Ahmed Bin Suleyman oo ah guddoomiyaha shirkadda DP World ayaa si faahfaahsan uga hadlaya sida Isimada iyo aqoonyahanada Boosaaso ay u diidan yihiin qoshaha maamulka Puntland ee dibu dhiska dekadda Boosaaso.
Waxay ku caddeeyeen in dib u dhiska Dekadda ay gebi ahaan ka horjeedaan oo aan lagala tashan, isla markaasina iyagoo ah dadka asal ahaan u leh Boosaaso ay qorshaha la shaaciyay ka imaan karto in la burburiyo dekadii qadiimiga ahayd ee Boosaaso taasoo ay ka horjeedaan, waxayna ugu baaqeen shirkadda DP World inay ka waantowdo ku dhex dhaca khilaafka ka dhex taagan maamulka Puntland iyo dadka Boosaaso.
HOOS KA AKHRISO QORAALKA
