Wararka laga helayo magaalada Kismaayo ayaa sheegyaa in ciidamada Itoobiya ee dhowaan tegay Jubbadda Hoose iyo maleeshiyada maamulka Jubba ay maanta weerar ku qaadeen degaanka Buulo-gaduud ee duleedka Waqooyi uga beegan magaalada Kismaayo iyo Yoontooy.
Dagaal culus oo lagu bilaabay duqeyn madaafiicda goobta ayaa ka dhacay halkaasi, waxaana kadib ciidamada is kaashanaya la sheegay inay galeen Buulogaduudoo 30 KM u jira magaalada Kismaayo, halkaasoo ay dhowaan ka baxeen ciidamada Kenya oo dib uu gurtay Kismaayo.
Ma cadda khasaaraha ka dhashay dagaalka iyo weerarka iyo duqeynta ka dhacday Buulo-gaduud ee dib lagu qabsaday. Waxaana la jaray isgaarsiinta magaalada Kismaayo.
Waxaa muuqda in Itoobiyaanka ay ka faa’iideysteen bixitaanka ciidamada Kenya iyagoo hadda isku balaarinaya Jubbooyinka.
Goobjooge.com
