Wararka laga helayo Gobolka Bari ayaa sheegaya in ciidamada Puntland ay ugu dambeyn weerar ku qaadeen degmada Qandala.
Ciidamada Puntland ee weerarka qaaday ayaa saarnaa Doomo dhinaca Badda ka weeraray Qandala, waxaana la soo sheegay in dagaal dhex maray maleeshiyada Daacish ee ku sugan Qandala iyo ciidamada dhinaca Badda ka weeraray.
Wararka laga helayo dagaalka ayaa ah mid aad u yar, waxaana la sheegay in ciidamada Puntland ay ku adag tahay dagaalka dhinaca Badda oo aanay u baran, halka kooxda Daacish ay difaacyo ka sameysteen xeebka iyo buuraha.
Ad
Degmada qadiimiga ah ee Qandala ayay bishii hore si lama filaan ah gacanta ugu dhigeen kooxda Daacish, waxaana degmada isaga baxay dadkii shacabka ahaa.
Goobjooge.com
Warar Xul ah
