Wararka laga helayo Magaalada Dhuusamareeb, gobolka Galgaduud ayaa sheegaya in ciidamo gadoodsan oo ka tirsan Maamulka la magac baxay Gobolada Dhexe ee ka tirsan isla Ahlusunna ay la wareegeen Magaaladaasi oo xarun ah maamulka Ahlu suna.
Ciidanka oo Gadoodsan ayaa Rasaas ku furay mas’uuliyiin ka tirsan Ahlusunna oo xarunta degmada ku sugnaa, waxayna kala eryeen dhamaan saraakiishii Ahlu suna iyagoo si buuxda ula wareegay gacan ku haynta xarunta taliska degmada.
Sababta keentay in ciidanku godoodaan ayaa lagu sheegay gaadiid laga kireeyay hay’aadda IRC iooay isku heystaan mas’uuliyiinta kooxda Ahlu sunna.
Magaalada Dhuusamareeb ayaa la sheegay inay kacsan tahay, waxaana dadaal lagu qaboojinayo xiisada wada madaxda sare ee Ahlu suna.
Goobjooge.com
