Wararka laga helayo magaalada Garowe ee xarunta maamulka Puntland ayaa sheegaya in ciidamo ilaalo u ah madaxweyne ku xigeenka maamulkaasi C/xakiim Cumar Camey
ay saaka weerar ku qaadeen ayna qabsadeen xarunta shirkadda Bankiga iyo Xawaalada Amal ee Garowe.
Ciidamadan ayaa al sheegay inay yihiin ilalaada gaaka ah ee Madaxtooyada Puntland oo uu leeyahay madaxweyne ku xigeenka Puntland, waxayna saaka la wareegeen Xarunta Amal Bank ee Garoowe, Waxaa goonta lagu arkayay Gaari tikniko ah iyo ciidanmo kuwaasoo joojiyay shaqadii shirkadda.
Madaxda Amal ee Garowe ayaa laga soo xigtay in arrintan ay salka ku heyso lacag uu shirkadda ka dalbaday in la siiyo Madaxweyne ku xigeenka Puntland Mudane Camey, lacagtaasi oo shirkadda Amal Bank ay ka cudur daaratay inaysan bixin karin, taasoo keentay inuu weerar ku soo qaado.
Tallaabadan ayaa muujineysa sida maamulka Puntland iyo madaxdiisa ay ugu dhaqmaan baad iyo lacago sharci darro ah oo ay ganacsatada ka qaataan, mana jiraan wax war ah oo ka soo baxay maamulka Puntland.
Goobjooge.com
