Ciidanka nabad sugidda Soomaaliya (NISA) oo uu hogaaminayo taliyahooda Jeneraal C/raxmaan Maaxamed Tuuryare ayaa saaka howlgal degdeg ah ka fuliyay degaanka Ceelasha Biyaha ee duleedka magaaladda Muqdisho, iyagoo kusoo qabqabtay tiro dhalinyaro ah oo algu tuhunsan yahay inay ka mid yihiin Alshabaab.
Waaberigii saaka ayaa degaanka Ceelasha waxaa ku dul habsaday ciidamo fara badan oo diiday dhaqdhaqaaqii dadka , waxayna baaris guri guri ah ka bilaabeen halkaasi xilli dadka intiisa badan ay hurdeen. Sidoo kale waxaa la baarayay Gaadiidka wadada maraya.
Tirada dhalinyarada howlgalkan lagu soo qabtay ayaa la sheegay inay dhan yihiin 11 ruux, wuxuuna socday howlgalka dhowr saacadood, ragga la soo qabtayna waxaa loo gudbiyay xabsiyada ciidamada nabadsugidda oo baaritaan lagu sameyn doono sida sheegay Afhayeenka Wasaarada Amniga u sheegay Warbaahinta dowladda.
Goobjooge.com
[ad name=”HTML-1″]
